Sabtu, 28 Februari 2009

Ki Demang Sinengkakake ing Ngaluhur


Dina Setu Paing Surya kaping 28 Februari 2009 ing Pendopo Kabupaten Rembang, minangka dina kang "bersejarah" munggwing Ki Demang Waru. Amarga ing dina iku Ki Demang Waru tampa Layang Kekancingan ( beslit = Surat Keputusan ) saka Bupati Rembang H. Moch. Salim. Ki Demang sinengkakake ing ngaluhur minangka Mantri Guru ( Kepala Sekolah ) ing SMP 2 Gunem Kabupaten Rembang.
Sadurunge Ki Demang tampa Layang Kekancingan mau, luwih dhisik dianakake pendadaran kang dianakake dening Pemda Rembang. Dene kang ndadar yaiku LPMP Jawa Tengah. Sing melu pendadaran mau para dwija cacah 37 minangka duta saka SMP-SMP ing laladan Kabupaten Rembang.

Rampung pandadaran banjur ditliti asile mawa piranti kang canggih nama komputer, pranyata kang lulus kanthi biji B dwija cacah enem. MUTAQIN ( Ki Demang ) minangka rangking siji duta saka SMP 2 Pamotan, kasusul dening HERMIN P.A. duta saka SMP 1 Lasem kang ana ing rangking loro, dene rangking telune BUDI SUPIYANTO utusan saka SMP 1 Lasem. Sing ana ing rangking papat yaiku HERIYANTO minangka duta saka SMP 1 Bulu. Kaping limane HARJANTO uga duta saka SMP 1 Lasem. Kang mapan ing rangking enem yaiku AGUNG SUNARYO duta saka SMP 1 Rembang.
Ananging para dwija kang lulus cacah enem mau ora kabeh bisa tampa Layang Kekancingan bareng Ki Demang Waru. Amarga, pancen "formasi" kepala SMP kang ana nembe siji. Mula kang sinengkake ing ngaluhur nembe Ki Demang Waru. Dene kang lima isih nunggu "formasi" sing arep teka.
Kanthi mlebune Ki Demang Waru ngisi "formasi" kepala sekolah, banjur ana "rotasi" tumrape para kepala SMP ing Kabupaten Rembang. Dene kang di"rotasi" ana priyayi cacah lima. PUJIONO kang asale kepala SMP 5 Rembang mutasi ing SMP 2 Rembang. H. MOCH. ANSHORI kang maune kepala SMP 1 Kragan mutasi ing SMP 5 Rembang. SMP 1 Kragan diisi dening BUDIMAN saka SMP 1 Pamotan. H. SUPRIYANTO kang asale saka SMP 1 Gunem geser ing SMP 1 Pamotan. SMP 1 Gunem diisi dening MUZAMIL saka SMP 2 Gunem. Lhaaaa.... SMP 2 Gunem dileboni MUTAQIN (Ki Demang Waru) ara dwija kang wis lulus saka pandadaran kang kaleksanakake dening LPMP Jawa Tengah rikala surya kaping 10 lan 11 Desember warsa 2008 wonten ing Aula SMA 2 Rembang Jawa Tengah.
Saliyane para kepala SMP, Bupati H. Moch. Salim uga nyumpah lan nglantik para pejabat Eselon III sarta IV, kepala SMA, Kepala SD, TK, Pengawas TK/SD, lan Penilik Luar Sekolah. Kabeh kang disumpah lan dilantik gunggunge ana cacah 269 pejabat struktural lan fungsional.
Ing acara sumpah lan pelantikan pejabat struktural lan fungsional Pemda Rembang iku mau, Bupati Rembang H. Moch. Salim pesen marang para pejabat kang dilantik, yen jabatan mono dudu samubarang kang kena diunggul-unggulake. Jabatan iku minangka amanat kang kudu diayahi kanthi rasa tanggung jawab kang luhur marang awake dhewe, masyarakat, bangsa lan negara sarta Gusti Kang Maha Kuwasa.Supaya tumemen anggone padha ngayahi pakaryan kanggo njunjung lan nyengkuyung program empat pilar utama Kabupaten Rembang.


7 komentar:

  1. Linda3 Maret 2009 pukul 06.56

    Kang Demang nganteng hihihi....
    absen mlm ahh..;))

    BalasHapus
  2. Unknown18 April 2009 pukul 07.57

    oM-ku yang satu ini ganteng euy...
    tapi aQ ga ngerti bahasanya oM....
    Selamat dan Sukses ya OM...
    maaf aQ telat ngucapinnya.
    BRAVO oM!!!

    BalasHapus
  3. Arini's24 April 2009 pukul 20.40

    selamat yo, selajan telat entukku ngucapno, tapi secara lisan wis dhisik-dhisik....
    ki bagi-bagi dong kaweruh carane gawe web koyo we e ki demang.....
    Tak tunggu nik ngisor wit juwet growong yo bagi-bagine kaweruh.....

    BalasHapus
  4. Ki Demang29 April 2009 pukul 01.03

    tunggu artikel selanjutnya mas ibnu....

    BalasHapus
  5. SISWANTO14 Mei 2009 pukul 08.33

    Alhamdulillah....
    Begitu melihat smp 2 gunem terpampang di halaman web, aku teringat akan segala kenangan saat bertugas di smp ini. 1994 sampi 2003.
    Bravo SMP 2 Gunem, aku sangat bangga akan keberadaanmu.
    Kagem Bapak Kepala Sekolah. Selamat. Salam kemawon kangge konco-konco guru wonten ing mriki. Mr Wearetobe; Mr Samaji dll

    BalasHapus
  6. Ki Demang18 Mei 2009 pukul 07.08

    Pak Siswanto, salamnya saya sampaikan. Lihat terus perkembangan SMP 2 Gunem lewat http:// demangwaru.blogspot.com/

    BalasHapus
  7. Unknown9 Juni 2009 pukul 10.06

    assalamualaikum pak taqin...
    wah... selamet nggih pak
    tambah gaul malih
    bangga kulo pak.
    tak sih ngajar ting smp 2 pamotan pak?
    dangu mboten panggih nggih pak.
    salam kangge guru2 smp 2 pamotan.
    wassalam....

    BalasHapus

Langganan: Posting Komentar (Atom)